សុដន់ប៉ោងធំឡើង ធ្ងន់ជាងធម្មតា និងទន់ជ្រាយជារោគសញ្ញាដំបូង នៅពេលអ្នកមានកូន។ ដោយសារតែបំរែបំរួលអរម៉ូនក្នុងរាងកាយ ទើបធ្វើឱ្យសុដន់ប្រែជាប៉ោងឡើង ហើយងាយនឹងប្រតិកម្ម។
សុដន់ទន់ជ្រាយអាចជាបទពិសោធន៍ក្នុងសប្តាហ៍ដំបូងបន្ទាប់ពីមានគភ៌។ អាការៈមិនស្រួលនឹងអន់ថយចុះបន្ទាប់ពីត្រីមាសទី ១។ វិធីល្អបំផុតដើម្បីបំបាត់ការឈឺចាប់គឺ ត្រូវពាក់អាវទ្រនាប់រឹងជំនួយ។
នៅក្នុងករណីខ្លះ ក្បាលសុដន់អាចលៀនចេញខ្លាំងជាងពេលធម្មតា។ ហើយរង្វង់ជុំវិញសុដន់នឹងប្រែជាពណ៌ខ្មៅ និងមានស្នាមអុចតូចៗ។
២. វិលមុខ
នេះជាអាការៈកើតឡើងក្នុងកំឡុងពេលអ្នកមករដូវ។ វាត្រូវបានគេបង្ហាញថា ជាអាការៈវិលមុខតិចតួច។
អរម៉ូនឈ្មោះប្រូហ្គេស្តេរ៉ូន ធ្វើឱ្យបំពង់សរសៃឈាមរីកធំ ជួយបន្ថយសម្ពាធឈាម កាត់បន្ថយលំហូរឈាមទៅកាន់ខួរក្បាល ដែលបណ្តាលឱ្យកើតមានអាការៈវិលមុខ។
ការស្រាវជ្រាវក្នុងឆ្នាំ ២០១០ បានចេញផ្សាយនៅក្នុងទស្សនាវដ្តីខាងផ្នែករោគច្រមុះ ត្រចៀក និងបំពង់កបានឱ្យដឹងថា អសមត្ថភាពអរម៉ូនរបស់ស្ត្រីក្នុងពេលមានផ្ទៃពោះអាចបណ្តាលឱ្យខ្យល់ចូលក្នុងរន្ធត្រចៀក នាំឱ្យវិលមុខ និងហ៊ឹងត្រចៀក។
រោគសញ្ញានេះជាអាការៈទូទៅក្នុងត្រីមាសទី ១ ប៉ុន្តែក៏អាចកើតឡើងពេញទាំង ៣ត្រីមាសតែម្តងក៏មាន។ ស្ត្រីឈាមតិចងាយនឹងទទួលរងអាការៈវិលមុខជាងស្ត្រីដទៃ។
នៅពេលអ្នកមានអារម្មណ៍វិលមុខ ចៀសវាងការក្រោកពីអង្គុយលឿន ឬគេងចុះលឿន។ ដកដង្ហើមឱ្យវែងៗអាចជួយកាត់បន្ថយបញ្ហានេះបាន។
៣. អស់កម្លាំង និងហត់នឿយ
បំរែបំរួលជាច្រើនចាប់ផ្តើមកើតឡើង នៅពេលអ្នកមានកូន។ កំណើនឡើងនៃអរម៉ូនប្រូហ្គេស្តេរ៉ូនធ្វើឱ្យអ្នកងាយនឹងហត់នឿយ ធ្វើឱ្យអ្នកឧស្សាហ៍អស់កម្លាំងញឹកញាប់។
សម្ពាធឈាម និងកម្រិតគ្លុយកូសទាបក្នុងកំឡុងពេលមានផ្ទៃពោះអាចធ្វើឱ្យអ្នកនឿយហត់។ ស្របពេលជាមួយគ្នានេះដែរ រាងកាយកំពុងផលិតសុក ជាជីវិតដ៏សំខាន់ជំនួយដល់អំប៊្រីយ៉ុង។ ដំណើរការនេះបានស្រូបយកកម្លាំងថាមពលរបស់អ្នក ធ្វើឱ្យអ្នកមានអារម្មណ៍នឿយហត់។ ភាពហត់នឿយជារឿងមួយធម្មតាក្នុងត្រីមាសទី ១ និងត្រីមាសទី ៣។
សង្ឃឹមថា នៅពេលអ្នកមានអារម្មណ៍នឿយហត់ អ្នកត្រូវសម្រាកឱ្យបានច្រើន ហើយទៅធ្វើតេស្តពិនិត្យមើលផ្ទៃពោះផងដែរ។
សង្ឃឹមថា វានឹងត្រលប់មករកភាពវិជ្ជមានវិញ សម្រាកឱ្យបានច្រើន និងទទួលទានអាហារដែលសម្បូរជាតិប្រូតេអ៊ីន និងជាតិដែក។
៤. ឆាប់ប្រតិកម្មនឹងក្លិន
ក្នុងកំឡុងពេលមានផ្ទៃពោះ ស្ត្រីងាយនឹងចាញ់ក្លិន។ បំរែបំរួលអរម៉ូនអឺសស្ត្រូសែនបានប៉ះពាល់ដល់ប្រព័ន្ធហិតក្លិន បណ្តាលឱ្យស្ត្រីងាយនឹងចាញ់ក្លិនដែលនៅក្បែរខ្លួន។
៥. ក្អួតចង្អោរ
រោគសញ្ញាមួយផ្សេងទៀតនៃការមានផ្ទៃពោះដំបូងគឺ មិនស្រួលខ្លួននៅពេលព្រឹក។ យោងតាមមន្ទីរពេទ្យសម្ភពផ្នែករោគស្ត្រីរបស់អាមេរិចបានឱ្យដឹងថា អាការៈក្អួតចង្អោរ និងចង់ក្អួតកើតមានចំពោះស្ត្រីមានផ្ទៃពោះពី ៧០-៨៥%។ អាការៈចង់ក្អួត និងក្អួតចង្អោរនេះអាចកើតឡើងគ្រប់ពេលទាំងពេលភ្លឺ និងពេលយប់។
៦. បំរែបំរួលអារម្មណ៍
អារម្មណ៍ទន់ជ្រាយ ហើយងាយនឹងក្រៀមក្រំ ចង់យំក៏ជាអាការៈមួយពេលមានផ្ទៃពោះផងដែរ។ នេះក៏ជារោគសញ្ញាទី ១នៃការចាប់ផ្តើមមានផ្ទៃពោះ។ បំរែបំរួលអរម៉ូនបានប៉ះពាល់ដល់រំញោចសរសៃប្រសាទ។ សាកល្បងតាំងអារម្មណ៍ និងរក្សាអារម្មណ៍រីករាយដើម្បីទប់ទល់នឹងអារម្មណ៍របស់អ្នក។
៧. ចុកពោះ
ស្ត្រីមួយចំនួនក៏អាចប្រឈមមុខនឹងការឈឺចាប់ក្នុងពោះ ដែលកើតឡើងរយៈពេល ២-៣ថ្ងៃ មុនពេលមករដូវ។
អាការៈនេះកើតឡើងនៅពេលស៊ុតបង្កកំណើតភ្ជាប់ទៅនឹងស្បូន។ វាបណ្តាលឱ្យកន្ត្រាក់ស្បូន ដែលមានអារម្មណ៍ដូចជា ចុកពោះនេះឯង។ ប្រភេទនៃការចុកពោះបែបនេះតែងតែជាអាការៈមុនមករដូវ និងពេលមករដូវ។
ការធ្វើតេស្តពិនិត្យមើលផ្ទៃពោះ ឬឆ្លុះអេកូអាចជួយឱ្យមើលដឹងពីការមានផ្ទៃពោះបាន សូម្បីតែក្នុងដំណាក់កាលចាប់ផ្តើមមានផ្ទៃពោះ។
អាការៈហើមពោះក៏អាចជាសញ្ញាដំបូងនៃការមានផ្ទៃពោះផងដែរ។ អាការៈហើមពោះក៏បណ្តាលមកពីបំរែបំរួលអរម៉ូនក្នុងរាងកាយពេលមានផ្ទៃពោះ។ បញ្ហាទាក់ទងនឹងការរំលាយអាហារជារឿងមួយទូទៅពេលមានផ្ទៃពោះ, អ្នកគួរទទួលទានអាហារសម្បូរជាតិសរសៃឱ្យបានច្រើន ទទួលទានទឹកឱ្យបានច្រើន និងធ្វើលំហាត់ប្រាណឱ្យបានទៀងទាត់ អាចជួយកាត់បន្ថយអាការៈមិនស្រួលខ្លួន។
៩. នោមញឹក
កំណើនកម្រិតឈាមក្នុងពេលមានផ្ទៃពោះត្រូវបានច្រោះដោយតម្រងនោម ធ្វើឱ្យប្លោកនោមឆាប់ពេញលឿន ហើយលទ្ធផលធ្វើឱ្យនោមច្រើន។ ដូចគ្នានេះដែរ អ្នកក៏ស្រេកទឹកច្រើនជាងពេលធម្មតា។ នេះជាសញ្ញានៃដំណាក់កាលមានផ្ទៃពោះ។ ភ្នាសស្បូនត្រូវរីកធំ ដើម្បីឱ្យទារកលូតលាស់ធំឡើង វាបានកាត់បន្ថយទំហំកន្លែងរបស់ប្លោកនោម។
១០. បាត់រដូវ
ស្ត្រីដែលមករដូវទៀងទាត់ មិនបានប្រើថ្នាំពន្យាកំណើត ការរដូវយឺតអាចជាសញ្ញានៃការមានផ្ទៃពោះ។ ក្នុងករណីខ្លះ មានឈាមតិចក្នុងពេលមករដូវ។ នេះកើតឡើងនៅពេលស៊ុតបង្កកំណើតផ្សាំខ្លួនវាក្នុងភ្នាសស្បូនរបស់អ្នក។ ជាធម្មតា អាការៈហូរឈាម ឬដុំឈាមមិនផ្តល់ផលប៉ះពាល់អ្វីទេ។
រោគសញ្ញាផ្សេងទៀត៖
ការបញ្ចេញទឹកស្អិតៗ ពណ៌លឿងស្លេក ឬពណ៌សក្នុងត្រីមាសដំបូង។
ឡើងសីតុណ្ហភាពក្នុងរាងកាយរយៈពេល ៣-៤សប្តាហ៍ក្រោយពេលមានកូន។
អាការៈឈឺក្បាលបណ្តាលមកពីបំរែបំរួលអរម៉ូន ហើយកម្រិតឈាមហូរទៅកាន់ខួរក្បាលមានតិច។
ឈឺខ្នងក្នុងដំណាក់កាលដំបូង បណ្តាលមកពីគេងបានតិច
បំរែបំរួលការស្រេកឃ្លានអាហារបណ្តាលមកពីចង់ក្អួត និងក្អួតចង្អោរ៕
