ភាពមមាញឹកនឹងការងារ, រវល់ធ្វើមុខជំនួញ… ជាមូលហេតុបណ្តាលឱ្យប៉ះពាល់ដល់ជីវិតផ្លូវភេទរបស់អ្នក។ ការមិនបានរួមភេទអាចបណ្តាលឱ្យមានផលវិបាក ៦យ៉ាងកើតឡើង ចំពោះសុខភាព។
អ្នកនឹងមានអារម្មណ៍ធុញថប់ច្រើន
អ្នកស្រាវជ្រាវជនជាតិ ស្កុតឡេន បានរកឃើញថា អ្នកមិនបានរួមភេទអាចប្រឈមមុខនឹងភាពតានតឹងច្រើនជាងអ្នកដែលរួមភេទបាន ១ម្តងក្នុង ២សប្តាហ៍។ ពួកគេបាននិយាយថា នៅពេលដែលយើងបង្កាត់ភ្លើងស្នេហ៍ ខួរក្បាលនឹងបញ្ចេញសារធាតុអង់ដូហ្វីន និងសារធាតុអុកស៊ីតតូស៊ីនជួយឱ្យមានអារម្មណ៍ល្អ និងកាត់បន្ថយភាពតានតឹង។
បុរសអាចនឹងកើតជំងឺមហារីកប្រូស្តាត
តាមការសិក្សាមួយបានបង្ហាញថា អត្រាគ្រោះថ្នាក់នៃជំងឺមហារីកប្រូស្តាតនឹងត្រូវកាត់បន្ថយបាន ២០% ចំពោះបុរសដែលបានរួមភេទញឹកញាប់។ ការបាញ់ទឹកកាមបានញឹកញាប់អាចជួយកម្ចាត់សារធាតុមិនល្អចេញពីក្រពេញប្រូស្តាត។
អ្នកងាយនឹងរងារ គ្រុនផ្តាសាយ
អ្នកស្រាវជ្រាវនៅសកលវិទ្យាល័យ Wiles-Barre ក្នុងរដ្ឋ Pennsylvania (សហរដ្ឋអាមេរិច) បានរកឃើញថា អ្នកដែលបានរួមភេទ ១-២ ដងក្នុង ១សប្តាហ៍ រាងកាយអាចប្រយុទ្ធប្រឆាំងនឹងវីរុសបានច្រើនជាង ៣០%។ ដូច្នេះហើយ ការមិនបានរួមភេទ វាបានធ្វើឱ្យប្រព័ន្ធភាពស៊ាំរបស់អ្នកនឹងចុះខ្សោយ ធ្វើឱ្យអ្នកងាយនឹងរងារ ផ្តាសាយ។
កាត់បន្ថយអត្រាគ្រោះថ្នាក់នៃជំងឺឆ្លងតាមបំពង់នោម
ជំងឺឆ្លងមេរោគតាមបំពង់នោមកើតឡើងជិត ៨០% ក្នុងរយៈពេល ២៤ម៉ោង បន្ទាប់ពីរួមភេទរួច។ បាក់តេរីក្នុងទ្វារមាសនឹងជ្រៀតចូលទៅក្នុងទ្វារនោម បណ្តាលឱ្យឆ្លងមេរោគ។ ដូច្នេះ ការបញ្ឈប់ការរួមភេទ ធ្វើឱ្យអត្រាគ្រោះថ្នាក់នៃជំងឺស្ត្រីក៏ត្រូវបានកាត់បន្ថយផងដែរ។
អត្រាគ្រោះថ្នាក់នៃអសមត្ថភាពផ្លូវភេទបុរសនឹងមានការកើនឡើង
យោងតាមការចេញផ្សាយនៅក្នុងទស្សនាវដ្តីឱសថសហរដ្ឋអាមេរិចបានឱ្យដឹងថា បុរសដែលមិនបានរួមភេទញឹកញាប់អាចប្រឈមមុខនឹងបញ្ហាអសមត្ថភាពផ្លូវភេទ ច្រើនជាងបុរសដែលរួមភេទបាន ១-២ ដងក្នុង ១សប្តាហ៍។
អ្នកស្រាវជ្រាវបាននិយាយថា នេះដោយសារតែអាអូនតូចជាសាច់ដុំ ដូច្នេះគួរតែរួមភេទឱ្យបានទៀងទាត់ ទើបអាចជួយរក្សាកម្លាំងរបស់វាបាន។
ស្ត្រីអាចនឹងប្រឈមមុខនឹងភាពក្រៀមក្រំ
អ្នកស្រាវជ្រាវជាច្រើនបាននិយាយថា សមាសធាតុនៅក្នុងទឹកកាមដូចជា មេឡាតូនីន, សេរ៉ូតូនីន និងអុកស៊ីតតូស៊ីន អាចជួយពង្រឹងអារម្មណ៍របស់ស្ត្រីឱ្យប្រសើរល្អឡើង។ ការបញ្ឈប់ការរួមភេទ អាចធ្វើឱ្យស្ត្រីជួបនឹងបញ្ហាក្រៀមក្រំ ងាយនឹងធុញថប់ក្នុងចិត្ត៕
