ការធ្វើតេស្តសន្ទះព្រហ្មចារីយ៍
ជាញឹកញាប់ គេតែងតែធ្វើការត្រួតពិនិត្យមើលទៅលើសន្ទះព្រហ្មចារីយ៍ វាគឺជាស្រទាប់ស្តើងនៃស្បែកដែលគ្របដណ្ដប់ទ្វារមាស។ មានមនុស្សជាច្រើនជឿថា វាជាវិធីមួយដែលមានភាពត្រឹមត្រូវធ្វើឲ្យយើងអាចដឹងពីការពិតថា មនុស្សស្រីអស់ព្រហ្មចារីយ៍ ឬក៏នៅ។ តែសន្ទះព្រហ្មចារីយ៍ ក៏អាចត្រូវបានបំផ្លាញដោយសកម្មភាពមួយចំនួនផងដែរ ដូចជា កំឡុងពេលធ្វើលំហាត់ប្រាណ, ការជិះកង់, ការហែលទឹកជាដើម។ សកម្មភាពទាំងអស់នេះ អាចធ្វើឲ្យមនុស្សស្រីបាត់បង់នូវសន្ទះព្រហ្មចារីយ៍ ទោះបីជាស្រ្តីមិនធ្លាប់បានឆ្លងកាត់ការរួមភេទលើកដំបូងក៏ដោយ។ តែអ្នកកុំភ្លេចថា ការវះកាត់សន្ទះព្រហ្មចារីយ៍នាពេលបច្ចុប្បន្នកំពុងតែមានភាពពេញនិយមខ្លាំងបំផុត។
ការធ្វើតេស្ត្រដោយម្រាមដៃពីរ
នេះជាការធ្វើតេស្តធម្មតាមួយទៀត គឺជាការធ្វើតេស្តទៅលើព្រហ្មចារីយ៍ដែលចម្លែកបំផុត ដោយប្រើម្រាមដៃពីរ ដើម្បីធ្វើការត្រួតពិនិត្យមើលពីសកម្មភាពផ្លូវភេទមនុស្សស្រី។ តុលាការកំពូលរបស់ប្រទេសឥណ្ឌា បានប្រើវិធីសាស្ត្រនេះដើម្បីធ្វើតេស្តទៅលើជនរងគ្រោះដោយសារការរំលោភសេពសន្ថវៈ។ ការធ្វើតេស្តនេះ បានធ្វើឲ្យមជ្ឈដ្ឋានខាងក្រៅ បានធ្វើការតវាឲ្យរដ្ឋាភិបាលសូមផ្ដល់នូវវិធីសាស្រ្តណាដែលល្អប្រសើរជាងនេះ ដើម្បីធ្វើការបញ្ជាក់ពីការរំលោភផ្លូវភេទ ព្រោះវាបានប៉ះពាល់យ៉ាងខ្លាំងដល់សិទ្ធិឯកជនរបស់ជនរងគ្រោះ។ ជាមួយគ្នានេះដែរ អង្គការឃ្លាំមើលសិទ្ធិមនុស្ស ក៏បានរិះគន់យ៉ាងខ្លាំងដល់ការធ្វើតេស្តដ៏អសីលធម៌ ទៅលើជនរងគ្រោះផងដែរ។
ការធ្វើតេស្តនេះ គឺជាការព្រួយបារម្ភបំផុត ដោយសារតែគ្មានភាពមិនប្រក្រតី ដើម្បីធ្វើការពិនិត្យមើលភាពត្រឹមត្រូវទៅលើសាច់ដុំទ្វាមាសដែលគ្មានភាពច្បាស់លាស់ ប្រសិនបើក្មេងស្រីនោះមានភាពសុំាទៅនឹងការរួមភេទ។
យើងអាចធ្វើការសិន្និដ្ឋានបានថា មិនមានការធ្វើតេស្តណាមួយដែលមានប្រសិទ្ធិភាពពិតប្រាកដ ដើម្បីពិនិត្យមើលភាពព្រហ្មចារីយ៍របស់មនុស្សស្រីបានទេ។ ការធ្វើតេស្តទាំងនេះ គឺមិនមែនជាការវិនិច្ឆ័យត្រឹមត្រូវ សម្រាប់មើលមនុស្សស្រីនៅព្រហ្មចារីយ៍ ឬអត់នោះទេ។ ដោយសារតែបច្ចុប្បន្ននេះ វិទ្យាសាស្ត្រមានភាពជឿនលឿន ហើយអ្វីទាំងអស់ស្ទើរអាចកែប្រែបានទាំងស្រុង៕
