តើសម្លេងខ្យល់ចេញពីទ្វាមាសជាអ្វីឱ្យប្រាកដ?
វេជ្ជបណ្ឌិតលោកស្រី Mary Jane Minkin ជាអ្នកជំនាញផ្នែករោគស្ត្រី និងស្ត្រីមានផ្ទៃពោះនៅសាលាពេទ្យ Yale បានមានប្រសាសន៍ថា៖ «យើងមិនបានផ្តល់នូវចំណេះដឹងអំពីការពិតនៃរឿងនេះដល់សិស្សឡើយ ប៉ុន្តែខ្ញុំបានប្រាប់អ្នកជំងឺជាច្រើនថា វាជារឿងមួយទូទៅបំផុត»។ «វាមានលក្ខណៈខុសពីការបញ្ចេញផោមចេញពីពោះវៀន ដែលកើតឡើងដោយសារសកម្មភាពរបស់បាក់តេរីនៅក្នុងពោះវៀន»។ សម្លេងខ្យល់ចេញពីទ្វាមាសបានមកពីថង់ខ្យល់មួយដែលរុញចេញតាមទ្វាមាស។ «ទ្វាមាសមិនមែនជាបំពង់ត្រង់ទេ វាមានលក្ខណៈរួញ»។
តើសម្លេងខ្យល់ចេញពីទ្វាមាសកើតឡើងនៅពេលណា?
វាកើតឡើងនៅពេលកំពុងរួមភេទ នៅពេលដែលលិង្គរុកចេញចូលពីទ្វាមាសដែលអាចបញ្ចេញខ្យល់ចេញពីខាង ក្នុងបាន។ «វាអាចកើតឡើងក្នុងខណៈប្រើក្បាច់ណាមួយ ហើយជាធម្មតាប្រើសកម្មភាពលឿន»។ ពិតប្រាកដណាស់ វាក៏អាចកើតឡើងនៅពេលវេលាចុងក្រោយដែលអ្នកចង់បានការសម្រេចកាម។ សម្លេងខ្យល់ចេញពីទ្វាមាសក៏អាចបញ្ចេញមកក្រៅនៅពេលកំពុងធ្វើលំហាត់ ប្រាណ។
តើមានហេតុផលអ្វីត្រូវព្រួយបារម្ភដែរទេ?
ពិតជាគ្មានទេ! «សម្លេងខ្យល់ចេញពីទ្វាមាសមិនប៉ះពាល់សុខភាពឡើយ»។ មានរឿងមួយទាក់ទងនឹងស្ត្រីបន្តិច ប្រសិនបើអ្នកណាម្នាក់បញ្ចូលខ្យល់ចូលក្នុងទ្វាមាស នឹងកើតមានក្តីព្រួយបារម្ភមួយដែលខ្យល់អាចចូលទៅក្នុងសរសៃឈាម ត្រគាក ហើយធ្វើឱ្យមានកំណកឈាម។ «អ្នកដឹងទេថា តើមនុស្សនឹងភ័យខ្លាចប៉ុណ្ណានៅពេលមានខ្យល់ចូលក្នុងសរសៃវ៉ែន? វាក៏ជាក្តីបារម្ភមួយដូចគ្នា៖ ចុះបើខ្យល់នោះបានចូលទៅក្នុងសររសៃវ៉ែន ហើយធ្វើដំណើរទៅកាន់បេះដូង ឬសួត ឬក៏គភ៌?»។ ទោះបីជាវាហាក់បីដូចជាចម្លែកក៏ពិតមែន ក្តីបារម្ភអាចជាទ្រឹស្តីច្រើនជាងការអនុវត្តន៍។ លោកស្រីបាននិយាយថា៖ «នាងខ្ញុំបានចេញពីសាលាពេទ្យជិត ៤០ ឆ្នាំហើយ តែមិនដែលបានជួបនឹងករណីនេះឡើយ»។
តើអ្នកអាចគ្រប់គ្រងវាដោយរបៀបណានៅពេលកំពុងរួមភេទ?
ចាប់តាំងពីលោកស្រីបាននិយាយថា គ្មានរឿងអ្វីជាអាថ៌កំបាំងត្រូវចៀសវាងពីសម្លេងខ្យល់ចេញពីទ្វាមាសឡើយ យល់ល្អមិនត្រូវខ្លាច ឬខ្មាស់អៀននឹងរឿងបែបនេះទេ។ វាជាមុខងាររបស់រាងកាយពីធម្មជាតិ ដូច្នេះអ្នកគួរសើចពីវា ហើយបន្តការងាររបស់អ្នកធម្មតា។ លោកស្រីបាននិយាយថា៖ «នាងខ្ញុំនឹងសង្ឃឹមថា អ្នកប្រាកដជារីករាយនឹងការនិយាយអំពីរឿងបែបនេះជាមួយមនុស្សដែលអ្នក កំពុងរួមភេទជាមួយ»។ «គ្រាន់តែអស់សំណើចនឹងវា ហើយបន្តដំណើរទៅមុខទៀត»៕
